Vörr 75 joar
Vörr 75 joar wass vööl gedrüss
de fliegers koomen met de fallschirmsprengers diep gefloage
wej kosse ons de kälder nit herütt merr woage
Seflek, watt wass op ens loss bej ons int därp?
Denn krich, denn kennde wej noch nitt
maar duw begoss dat groote verdriet
bej fremde mensen satte wej op de dääl
Kreege smärges enne pannekoek van bukkenemääl
Seflek, worr sij gebleewe?
Alles hadde wej achter motte loate
et hüss wurd niet eens merr affgeschloate
de soldote trokken dorr in
än satten dor, woar minne plätz moss sinn
Seflek, eck woll werr tröck norr ow!
Wej schliepe op strojsäck int bett
jo, wenn gej nätt genn „Boxspring“ hätt
än muuder schrauwde soowes bej et bäje en stöck
Sej hatt sönn heimweh norr seflek tröck.
Seflek, wej denke bloss on ow!
Nor twee-enn-half joar, den tidd was lang
koame wej terög, all wasse se bang
de mienen läjen öwerall, in de hüüs än op de stroat
förr ennege wass et gau te loat.
Seflek, gej wast geföörlek geworre!
Et därp kennde wej nitt merr weer
seflek leek so fremd, op enne keer
genn hüss wass noch heel gebleewe
dorr wird all heel watt ower geschreewe.
Seflek lääj on de grond!
Ons kerk, denn toarn wass se quitt
eens wass sej et Mahnmal, breej än witt
dorr liepe bej voader än moader de trööne over et gesecht
de kerk wass frugger onse norboar, än datt hat gewecht.
Seflek had St. Martini verloare!
Ok ons hüss läj on de grond
in de trümmer heb eck gesocht, of eck min Käthe-Kruse-Popp noch fond
maar so trörig wass et soawes niet merr
want moader miek ons met liedjes senge werr froh
Seflek, gej wass total kapott!
